Дөрөвдүгээр сар надад ирлээ

Өнөөдөр бол өмнөх өдөр

Өглөө эртлэн бослоо

Шөнийн хоёрхон цагийн нойртой ч гэлээ

Шууд л хувцасаа өмсөн гэрээсээ гарлаа

Манай хотод хатуу хөл хориотой

Гэрээсээ нэг ч алхам холдох эрхгүй

Гэхдээ би зориглон гарлаа

Миний замд нэг цагдаа эгч тааран

Хаа хүрэх гэж байгааг минь асуухад

Эргэлзэж байсан ч эмнэлэг гээд хэлчихсэн

Харин тэр эгч зүгээр л явуулчихсэн

Эртлэн босох ч сайхан юм аа

Өглөөний нарнаас энерги хүртээд л

Өөрийг нь хайрладаг хүнийхээ төлөө

Алхам, алхмаар баярлан дэгдээд

Анхны сайхан бүхний төлөө

Аяа би цовхорн одлоо

Аяа намуун өөрийн бодол руу

Нэг л мэдэхэд би инээж зогсох аж

Надад байхгүй түүнийхээ төлөө

Дахиад л би догдлох юм

Дэндүү сайхан мөч байсан.

Хариу нэхэлгүй хайрлах

Харин ч надад амар санагддаг

Цастай, нартай, салхитай өдөр

Чамайгаа бодон догдолдог өдөр

Эрсдэлтэй бүхнийг сөрөн өнгөрч

Эндээ би эргэн ирлээ

Энхрий ялдам хөгжмийг сонсож

Ээв нэг найлан суулаа

Энэ л цаг хугацаа надад

Эргэн хэзээ ирэх нь эргэлзээтэй

Элбэрэл хайрыг эндээ мэдрээд

Ирээдүйд чамдаа нисэн очно.